दुधी हलवा

दिपालीताईने परवा दुधीचे पराठ्याची पा़कृ टाकली, आमचं तोंड खवळलं...
आता असं नाही की मला दुधीचे पराठे आवडतात..आवडतो दुधीचा हलवा. तर पेश करतो आहे दुधी हलवा.

साहित्य :

१. १ दुधी - धुवून आणी साल काढून.
२. २५० ग्रॅम खवा किंवा २ मोठे ग्लास दुध
३. ३-४ चमचे साजूक तूप
४. ८-१० मोठे चमचे साखर
५. सजावटीसाठी काजू, बदाम, बेदाणे.

कृती:

सर्वप्रथम साल काढलेला दुधी किसून घ्या.
एका नॉन स्टीक पातेल्यात अथवा लोखंडी कढईत ३-४ चमचे साजूक तूप घ्या.
तूप गरम झालं कि त्यावर दुधीचा किस टाका.
दुधीचं सगळं पाणी अटेपर्यंत हालवत रहा.
पाणी अटल्यावरही २ मिनिटे दुधी खरपूस होईपर्यंत भाजा.
आता त्यात खवा हाताने चुरून टाका. खवा नसल्यास २ मोठे ग्लास दुध टाका.
हे मिश्रण मध्यम आचेंवर हालवत अटवा.
दुध पुर्णपणे अटल्यावर त्यात साखर घाला.
सगळं मिश्रण एकजीव होऊ द्या. थोडा वेळ अटवा.
थंड झाले की वरून काजू-बदाम-बेदाण्यानी सजवून खा.
(हा हलवा गरम गरम खायलाही मस्त लागतो.)

बनवण्यासाठी वेळ : एक ते सव्वा तास.