राही

चांगला विचार दिला डोक्याला.

त्या आई वडिलांचे खुळ राहू दे बाजूला पण नक्कीच राहि देवी विषयी माहिती शोधावयास हवी.

त्यांना मराठी बोलण्यात अजिबातच रस नव्हता त्यामुळ प्रश्न इंग्रजी आणी माझ उत्तर मराठी अस चालू होत
अवांतरः असं असणं म्हणजेच " मोठं " झाल्याचं लक्षण आहे का???

आम्ही कि नाही, मुलांशी मराठीतच स्पीक करतो पण इतरांशी सगळेच इंग्लीशमधेच टॉक करतात ना. आपला ओरिजिन काय आहे ते पीपलना रिअलाईझ व्हायलाच हवे पण आफ्टर ऑल इंग्लीश इज ग्लोबल लँग्वेज यु सी. बेटा से हाय टु ग्रॅन्डपा इन मराठी.

देवाधर्मात काही गती नाही. पण नावाची गंमत वाटली. अनेक चिनी लोकं पाश्चात्य देशात जाऊन आपली नावं बदलतात तसं वाटलं. म्हणजे कागदावरचं नाव मूळ जे असेल तेच, पण वापरातलं नाव जोन्स, माईल, जेनी वगैरे काहीतरी!
या जोडप्यालाही धर्म वगैरे नाही तर मुलीचं नाव जेनीफर नाहीतर डेब्रा ठेवता आलं असतंच ना ... व्हायचं तर पूर्णच पाश्चात्य व्हायचं!

रखुमाई आणि राही या विठ्ठलाच्या बायका मानल्या जातात.

विठ्ठलाचं दर्शन घेतल्यानंतर दक्षिण दरवाजाने बाहेर पडलो की मंदिराच्या पाठच्या बाजूला रुक्मिणी मंदिर लागतं. त्या मंदिराच्या पायऱ्या चढून गेल्यावर राही आणि सत्यभामा यांचीही छोटी मंदिरं लागतात. त्यानंतर रुक्मिणी मंदिराच्या गाभाऱ्यात जाता येतं.

अधिक माहिती - http://maharashtratimes.indiatimes.com/articleshow/4730925.cms

वरती उल्लेखलेली आरती खालीलप्रमाणे..

युगें अठ्ठावीस विटेवरी उभा ।
वामांगी रखुमाई दिसे दिव्य शोभा ।
पुंडलिकाचे भेटी परब्रह्म आलें गा ।
चरणी वाहे भीमा उद्धरी जगा ॥१॥

जय देव जय देव जय पांडुरंगा ।
रखुमाईवल्लभा राहीच्या वल्लभा पावें जिवलगा ॥ जय देव जय देव ॥धृ॥

तुळसीमाळा गळां कर ठेवुनि कटीं ।
कांसे पीतांबर कस्तुरी लल्लाटीं ॥
देव सुरवर नित्य येती भेटी ।
गरुड हनुमंत पुढें उभे राहती ॥२॥

धन्य वेणुनाद अनुक्षेञपाळा ।
सुवर्णांची कमळें वनमाळा गळां ॥
राही रखुमाबाई राणीया सकळा ।
ओवाळिती राजा विठोबा सावळा ॥३॥

ओंवाळूं आरत्या कुर्वंड्या येती ।
चंद्रभागेमाजी सोडुनियां देती ॥
दिंड्या पताका वैष्णव नाचती ।
पंढरीचा महिमा वर्णावा किती ॥४॥

आषाढी कार्तिकी भक्तजन येती ।
चंद्रभागेमांजी स्नानें जे करिती ।
दर्शनहेळामाञें तयां होय मुक्ती ।
केशवासी नामदेव भावें ओंवाळिती ॥५॥

अनेक संतांच्या अभंगात उल्लेख आहेत. संदर्भ हाताशी नाहीत. कालानुरुप देवतांमधे बदल होतो. राहिचे तसेच झाले असावे. आणि विठ्ठल रखुमाई हेच रुप प्रचलित राहिले (कदाचित हिंदूनी स्विकारलेले एकपत्नीव्रत देवावर पण लादले गेले असावे )

>>अमेरिकेतल्या लोकांना म्हणायला सोपं जाव म्हणून खूप विचारांती ठेवलय

शेवटचे व्यंजन हलके उच्चारण्याच्या सवयीमुळे ते लोक तिची 'राई' करणार.

पुष्करिणी....थोडक्यात मोठा संदेश देनारा लेख आवडला....

या राहीं च देउळ कुठे आहे? त्यांच्याबद्द्ल काही अख्यायिका आहेत >>>

थोड्या दिवसात फोटोसकट लेख टाकतो ह्या विषयावर...

राही ही विठ्ठलाची दुसरी बायको. धनगर समाजातली ही राही. विठोबाला आवडली आणि त्याने तिच्याशी लग्न लावले. रुक्मिणीला अर्थातच ह्याबाबत अंधारात ठेवले. सत्य समजल्यावर रुक्मिणी रागावली... असे काहीसे वाचले आहे.

अरुणा ढेरे व दुर्गाबाई भागवत ह्यांनी यासंबंधात लिहिले आहे. उद्या वाचून नक्की सांगते. आत्ता नक्की लक्षात नाही.

सही!

मस्तच चर्चा! नव्यानंच माहिती कळतीये

बाकी, त्या थोर मातापित्यांबद्दल काय बोलु? उदाहरणार्थ वगैरे ते थोरच आहेत. बरं झालं त्यांनी मराठीपण टाकलं...मराठीलाही त्यांची लाजच येते.

कधी होणार ही चर्चा? विठ्ठला, तूच सांग आता...

>>>बाकी, त्या थोर मातापित्यांबद्दल काय बोलु? उदाहरणार्थ वगैरे ते थोरच आहेत. बरं झालं त्यांनी मराठीपण टाकलं...मराठीलाही त्यांची लाजच येते.

मला अस वाटत की एका छोटयाश्या उदाहरणावरुन आपण कोण किती थोर आहे हे ठरवू नये. आता मला वा अथवा तुला जर कोणी अनोळखी व्यक्ती अनोळ्ख्या देशात उगाच धमाल मुलगा हे नाव कसा धार्मिक आहे किंवा नीलम हे नाव कसा शुध्द्लेखनाने निलम असा लिहिला पाहिजे. तर काही लोकांना तो चोबंडेपणा वाटू शकतो.

मला असे लोक भेटले आहेत, जान ना पेह्चान आणि एक तास एका माणसाणे मला माझ नाव आणि त्याच स्पेलिंग मराठी, इग्रंजी कसा मी चूक लिहिते आणि माझ्या मूळ नावाचा इतका प्रगल्भ अर्थ असताना मी नीलम हे नाव वापरणारी किती क्षुद्र व्यक्ती आहे हे एकवले आहे. शेवटी मी पळ काढण्यासाठी इंग्रजी मध्ये उत्तर दिले आणि ते आजोबा गप्प.

असो, वरती लेखिकेने स्पष्ट केले आहे की हा तिचा लेखाचा मुद्दा हा नाही त्यामुळे अवांतराबद्दल क्षमस्व.

विषयी हाही एक धागा दुवा

आर्य अनार्य नक्की काय आहे ?

मन्थुनि अनन्ता तैसे घे अनन्ता
वाया व्यर्थ कथा सान्डी मार्गु

एक प्रश्नः (अनुस्वार कसा देतात?)

शिफ्ट + एम दाबलत की आधीच्या अक्षरावर अनुस्वार येतो
एम+शिफ्ट+एम = मं