दमलेल्या बाबाची कहाणी ~ निल्या

दोस्तहो तुमच्यासाठी खास एक विडंबन सादर करत आहे ! "दमलेल्या बाबाची कहाणी". मला अपेक्षा आहे की तुम्हाला हे गाणं ठौक असेल ! नसेल तर पयले एक काम करुचा. पयले तो मूळ विडो बघाचा.
दुवा मी इथे देतंय!
दुवा

मूळ शब्दांकन हवे असेल तर ते पण देतंय दुवा
घाई करु नका बे ! खालील क्रमाने गोष्टी करा
१. पयले शांत चित्ताने ते मूळ गाणं ऐका !
२. भावना समजून घ्या
३. आमच्या विडंबनाचा विडो पहा. लय मेहनत घेतली आहेल तवा बघाच ! दुवा खालील विडंबन वाचण्यापरीस व्हिडोची मजा अनुभवा.
४. आवाजाला माफ करा. आम्ही काही अजून गायक बनलेलो नाही.
५. आमच्या विडंबनाचे शब्द येथे वाचा
६. माझा व्हिडो पाहिल्या शिवाय प्रतिक्रिया देण्यास मनाई आहे.
७. व्हिडो पहा प्रतिक्रिया लिव्हा !

नोंद* आमच्या विडंबनालाही एक पूर्णत्व यावे म्हणून आमुची सवताची काही कडवी भरीस टाकली आहेत. तेवढी गोड मानून घ्यावीत.

दमलेल्या बाबाची कहाणी ~ निल्या

मार खाऊन निजलेला एक मी हा प्राणी
सुजलेले तोंड डोळा सुकलेले पाणी
रोजचेच आहे सारे काही आज नाही
माफी कशी मागु बापा मला तोंड नाही

झोपेतच बाप मारी लाथ पेकाटात
उठ भाड्या कर अभ्यास म्हणे तो घुश्श्यात
सांगायची आहे माझ्या होणा-या पोरा
दमलेल्या बाबाची ही कहाणी तुला
ला ला ला ला ला, ला ला ला ला ला
ला ला ला ला ला, ला ला ला ला ला

आटपाट नगरात पोरी होत्या भारी
घामाघूम बाबा करी गल्ल्यांची वारी
रोज सकाळीस बाप निघताना बोले
चार विषय तुझे का राहुनिया गेले
जमलेच नाही पास होणे मला जरी
बाप म्हणे पाय ठेवू देणार नाही घरी

स्वप्नातल्या गावामध्ये पटवल्या लय पोरी
खर्या खुर्‍या पोरी साठी गेलो तिच्या घरी
पोरीच्या भावांनी लय मारीले मला
दमलेल्या बाबाची ही कहाणी तुला
ला ला ला ला ला, ला ला ला ला ला
ला ला ला ला ला, ला ला ला ला ला

कधी कुठे सुत आमचे जुळलेच नाही
पटव पोरगी असं मन बोंबलत राही
दिले फूल एकीला तिने घेतलेच नाही
अपमान केला इज्जत ठेवलीच नाही
झाला पचका कॉलेज मध्ये आमुचा उगीच
आलं पीक गव्हावानी कॉंमेंट्सचं सुगीचं
दोस्तांनी पण आमचा उडवला फज्जा
दमलेल्या बाबाची ही कहाणी तुला

पोरीच्या नादात कॅंपस गेला हो निघून
नोकरीची आशा सारी गेली ती संपून
कंपन्यांनी घेतली होती कवाडे मिटून
टेस्टिंग कोर्स केला शेवटी पैशे भरुन
लावले लग्गे जिथे तिथे दोस्तांनी मिळून
लढविला किल्ला सा-या बाजू सांभाळून
तवा कुठे लागला जॉब हा मला
दमलेल्या बाबाचीही कहाणी तुला

बॉस म्हणे कर काम वा प्रमोशन नाही
केले जरी काम तरी न मिळते हो काही
ऑनसाईट सुद्धा बॉस जाऊ देत नाही
कान भरी कलीग त्याचे सांगून काहीबाही
अंगाचीया माझ्या होतसे हो लाही लाही
"गोड बोला" मंत्र जपला मी हा बारमाही
बटर संगे स्कॉच त्याले मारिले पुन्हा
दमलेल्या बाबाचीही कहाणी तुला

तुझ्यासाठी बाळा मी शोधतोय आई
धुंडाळले मॅट्रिमॉनी हाती काही नाही
तुज्यासाठी फिरे आजा तुझा दिशा दाही
तुझा रंग गोरा व्हावा सो गोरी हवी आई
अशी पोरगी त्याले तरी गवसत नाही
मिळे कन्या लग्ना जरी उभी न ती राही
कधी येते नाड एक कधी मंगळ आडवा
दमलेल्या बाबाची ही कहाणी ऐक गाढवा
ला ला ला ला ला, ला ला ला ला ला
ला ला ला ला ला, ला ला ला ला ला

ऑफीसात उशिरा मी असतो बसून

भंडावले डोके जाड पोरी या बघून
तास तास जातो चांगली पोरगी शोधून
एक एक स्थळ जाते हळूच निघून
अशावेळी काय सांगु काय काय वाटे
तिचा फोटो बघून पाणी डोळ्यातून दाटे

वाटते की उठुनिया भारतात जावे
शोधून कन्या एक पुन्हा प्रेमात पडावे
गुंतुन एकीत लग्न करावे दुजिशी
जीवघेणे खेळ काही मांडावे आपुल्या देशी

गोष्ट माझी सांगताहे ऐक बाळा काही
जोडीदार महत्त्वाचा करिअर होत राही

कॉलेज मध्ये जास्त नखरे करु नको रे मुला
मिळेल त्या पोरीशी सेटिंग करुन टाक रे पोरा

कुणा एकी साठी नको होवू रे खु्ळा
एक जाता दुसरी शोधून काढ तू बाळा

बाबा सांगे चांगल्या पोरीवर असो डोळा
भाळी तुझ्या योग्य वेळी लागेल हा टिळा
हनिमूनला बाबा तुला आठवेल का रे?
बाबासाठी येताना काही आणशील का रे?

सांगायची आहे माझ्या होणा-या पोरा
दमलेल्या बाबाची ही कहाणी तुला
ला ला ला ला ला, ला ला ला ला ला
ला ला ला ला ला, ला ला ला ला ला

तरुणपणी बाबा तुझा होता आंधळा
दिसले न प्रेम त्याला आले किती वेळा

बाबापरी नको करु माती आयुष्याची
काढ डोळ्यातून तुझ्या गाठ अहि-याची
सोड भीती जाईल हे आयुष्य मजेत
हवी कोणी तरी संगे येशील खुशीत

सांगायची आहे माझ्या होणा-या पोरा
दमलेल्या बाबाची ही कहाणी तुला
ला ला ला ला ला, ला ला ला ला ला
ला ला ला ला ला, ला ला ला ला

~निल्या