नवीन कोण कोण आहे बरें

मीम सुरु झाल्या दिवसापासुन आहे खरं तर ! पण ज्या पद्धतीने मीममध्ये कंटीन्युअसली निरनिराळे चांगले बदल, सुविधा निर्माण होत असतात त्यावरून रोजचं लॉगीन नवंच वाटतं मला तरी

नमस्कार,

मी राजे. मीमवर तसा नवीनच, फक्त ८०० एक दिवस झाले लॉगईन होऊन.
तसा मी मुळचा कोल्हापुरचा, पण जम्मु पासून कन्याकुमारी पर्यंत कुठल्या ही शहरी मी सापडण्याची ९९% शकता असायची आधी.. पण आता पुणे मध्ये मुरलो आहे

मी पोटापाण्याचा व्यवसाय नक्की काय करतो? हा प्रश्न गेली कित्येक वर्ष आमच्या मातोश्रींना पडला आहे, त्याचे उत्तर मिळाले की लगेच कळावतोच

आता मालकांनीच असा प्रतिसाद दिल्यावर खर्‍या नवीन सभासदांनी काय करावे बरे ?

- एक संभ्रमित नवीन सदस्य

मी पण तसा नवीनच. ८०० दिवस झाले असतील.. पण इथे फक्त मुक वाचक असतो. राजेने मिम सुरु केलं, आणि पहिल्या दिवशीच सभासद झालो.

नवीन म्हणजे किती नवीन पाहिजे?
तशी मी रोज नव्याने इथ येते म्हणा
आणि नव्या सभासदांना वेगळ काढून त्यांना काही त्रास द्यायचा तर बेत नाही ना तुमचा? )
कारण जुने सभासद पण ते कसे नवेच आहेत ते सांगताहेत म्हणून मनात शंका आली

(स्मायली वापरल्या की वाक्य गंभीरपणाने घ्यायच नाही असा संकेत इथेही असेल अशी अपेक्षा!!)

नवीन म्हणजे किती नवीन पाहिजे?
-

@ आतिवास (ह्या नावाचा काय झोल आहे हो?), नीलपक्षी

नवीन म्हणजे स्वतःला नवीन समजणारे, उदाहरणार्थ खालील प्रतिसाद;

नवीन सदस्य

१. सगळेच लेख वाचायला जमतात

ज्यांना इथे प्रस्थापितांची ओळख नाही असे.

म्हणजे ज्यांना "ररा आजोबांचे वय" सारख्या धाग्यांवर काय प्रतिसाद द्यायचा ते समजत नाही असे?

पण इथे तर सगळेच स्वतःला नवीन म्हणवून घेत आहेत. (अगदी मालक सुद्धा! )

अ‍ॅट युवर सर्व्हीस !!

आम्ही इथे पडीक असतो....

हजर

इथे वयोवृद्ध सदस्यांना हजेरी लावायची परवानगी आहे का??

मी जुना आहे पण माझा आयडी नवा आहे.. नव्या बाटलीत जुनी दारु.

इथे मीमवर इतकं खेळीमेळीचं वातावरण आहे की जुन्यानव्याचा काही म्हणजे काही फरक पडत नाही. उखाळ्यापाखाळ्या न करता उत्तम मर्यादेत खेळकर चर्चा करणारं पण मौजमजेत कुठे कमी नसलेलं संतुलित संस्थळ म्हणून आमच्या मीमराठीचा मला अभिमान आहे.

हा संतुलितपणा आणि अगदी सहकुटुंब जिथे बिनदिक्कत सदस्य व्हावं इतका जिव्हाळा राजने जपला आहे. कसं जमवतो कोण जाणे, पण त्यासाठी त्याचं फार कौतुक वाटतं.

नवीन लोकांच्या साठी धागा काढला नि जुनेच हलकट दंगा करताहेत.
चला नव्या लोकांसाठी आपुन शुरुआत करताय. तसा अगदी रामकृष्णांसकट अनेक पिढ्या पाहिलेला असून सध्याच्या पिढीबरोबर गणिती म्हणून वावरतो. पोटापाण्यासाठी कळफलक बडवतो. जमल्यास काम करतो एरवी आपल्याला काय झेपेल न झेपेल याचा विचार न करता वाट्टेल ते वाचतो नि सुचेल ते मत फेकून मारतो.

ऑन शीरीयस नोटः असले धागे काढून कृत्रिम ओळखी करण्यापेक्षा आवडेल त्या धाग्यावर मत द्यावे, खरडी, व्यनितून समान आवडनिवड असणार्‍यांशी गप्पा माराव्यात. जमतंय आपलं असं वाटलं तर भेटीगाठीतून मैत्री वाढवावी - वाढवाविशी वाटली तर - हे अधिक चांगले. अशाच मार्गाने आम्हाला जालावर युएसच्या ए पासून सातार्‍याच्या एस पर्यंत अनेक गावच्या मित्र-मैत्रिणी हितेच गावल्यात. पण मी ग्रेट लिहितो त्यामुळे मी लिहितो तुम्ही स्तुती करा पण मी कुणाला प्रतिसाद देणार नाही अशा नमुन्यांसाठी एस डबल ओ आर वाय (की डबल एस ओ आर वाय? ) स्वारी, आपले तुपले जमनार नाय हे पैलेच बजावतो.

जाताजाता महत्त्वाचे: 'प्रस्थापित' हा शब्द वापरल्याबद्दल सातारकराला सातारहून उचलून नेऊन सोमालियात फेकावे असा प्रस्ताव देतो आहे.

(म्हातारा असून नित्यनवीन असणारा) रमताराम

नमस्कार.. मी प्रसन्न.. मुळ सातारा.. सध्या हैदराबाद येथे ... काम- जर्मन भाषा अनुवादक

(

अनेक आहेत त्यापैकी एक

)...

आवडः संगित ऐकणे आणी वाचन.. भ्रमंती करणे (जे सध्या शक्य नाही).
इथल्या मुरलेल्या लोकांना भेटण्याचा योग लवकर येवो ही ईच्छा

ररा आजोबा,
असले धागे काढून कृत्रिम ओळखी करण्यापेक्षा आवडेल त्या धाग्यावर मत द्यावे, खरडी, व्यनितून समान आवडनिवड असणार्‍यांशी गप्पा माराव्यात.
ह्याच्याशी सहमत आहेच. पण नव्या पब्लीकला जरा बोलत कराव हा उद्देश. कुंपणीत नाही का नवीन चार रंगरुट आले की नाही का इंडक्शन चालू असेस्तोवर ते एकमेकांचे मित्र बनतात. तस काहीस. नंतर यथावकाश ही मंडळी जुनी-जाणती होतायतच की.

ऑन डेंजरस नोटः सातारकर सोमालियात गेले तर सोमालियाकर पुण्यात येतील.
(बाय द वे, शांतीसेना जर सोमालियात असेल तर काही सातारकर नक्कीच त्यात असतील. )

मी पण नविन आहे

मी अश्विनी... मुळची अंबाजोगाईची (जिल्हा:-बीड)... शिक्षणासाठी पुण्यात राहाते. तसं शिक्षणाचं शेवटचं वर्ष चालू आहे त्यामूळे लवकरच परतण्याच्या तयारीत आहे...

मला वाचन अतिशय प्रिय आहे. वेळ कमी मिळतो पण तरीही नवनवीन साहीत्य वाचायला आवडतं. 'मी मराठी' बद्दल पहिल्यांदा लोकमत पेपरमध्ये वाचलं होतं, तेंव्हापासून जमेल तसं इथे फेरफटका मारते. पण अजून कोणासोबत फारशी ओळख झाली नाहीए. म्हणून ओळख करून घेण्याची ही संधी चांगली वाटते आहे. तरी ही एक अडचण मात्र आहे... आपण सगळे नव्या सदस्यांची ओळख करून घ्याल, पण माझ्यासारख्या नवागतांना आपली ओळख कशी होईल?... आम्हालाही आपल्याला भेटायला, आपली सगळ्यांची ओळख करुन घ्यायला आवडेल...

मी अश्विनी... मुळची अंबाजोगाईची (जिल्हा:-बीड)... शिक्षणासाठी पुण्यात राहाते. तसं शिक्षणाचं शेवटचं वर्ष चालू आहे त्यामूळे लवकरच परतण्याच्या तयारीत आहे...

मला वाचन अतिशय प्रिय आहे. वेळ कमी मिळतो पण तरीही नवनवीन साहीत्य वाचायला आवडतं. 'मी मराठी' बद्दल पहिल्यांदा लोकमत पेपरमध्ये वाचलं होतं, तेंव्हापासून जमेल तसं इथे फेरफटका मारते. पण अजून कोणासोबत फारशी ओळख झाली नाहीए. म्हणून ओळख करून घेण्याची ही संधी चांगली वाटते आहे. तरी ही एक अडचण मात्र आहे... आपण सगळे नव्या सदस्यांची ओळख करून घ्याल, पण माझ्यासारख्या नवागतांना आपली ओळख कशी होईल?... आम्हालाही आपल्याला भेटायला, आपल्या सगळ्यांची ओळख करुन घ्यायला आवडेल...

अश्विनी ताई, (चला एक कोणीतरी मराठवाड्याच भेटल ब्वा )
ही घ्या माझी ओळख, मी सुहास, मुळचा औ.बाद , सिल्लोड

पुण्यात च असतो ! थोडफार लेखन करतो (पब्लीक उगा लेखक म्हणत्यात) आणि प्रचंड वाचतो, ईथे एक विशाल कुलकर्णी म्हणुन असतो त्याच अजिबात वाचत जावु नकोस आणि अर्धवट या आयडी ने लिहीलेले तर अजिबात वाचु नकोस

ही ही ही
समजल तुला

नमस्कार देवा..

मी अर्धवट.. बुद्धीनं, कर्तुत्वानं आणि वृत्तीनं ही
मूळ सातारकर, गेली काही वर्षे नोकरीसाठी पुण्यात असतो.

इथल्या सगळ्या लोकांच्या मानानं अजून खूप लहान माणूस आहे, 'उत्तम उदात्त ते ते घ्यावे, मिळमिळीत अवघेंची टाकावे' या संतवचनाला अनुसरून इथल्या दिग्गजांकडून शिकायचा प्रयत्न करतोय.

'सातारकर' यांच्या आग्रहामुळे मराठी आंतरजालावर आलो, त्यांच्याच शिफारसीमुळे इतर अनेक संस्थळांप्रमाणेच 'मीमराठी'वर वावरू लागलो...
इतर संस्थळांपेक्षा टेक्नीकली कितीतरी सरस असं मीम आहे हे निश्चीत..

नमस्कार मन्डळी
मी राजेन्द्र मेहेन्दळे ...मूळ गाव कल्याण ...सध्या पुणे...नोकरि ऐटित (IT) ..छन्द ट्रेकिन्ग

केलेले छान ट्रेक (तरुण असताना ) राज्गड -तोरना ,अलन्ग् -कुलन्ग -मदन आणि बरेच..

मीम चा पन्खा आहे .. एखादा लेख लिहिन कधितरि..आत्ता फक्त तुम्हि लिहिलेले वाचतो

वाचनमात्र होते आज सदस्यत्व घेतले आहे.

स्वागत आहे सर्वांचे (जुन्यांचे नव्याने स्वागत )

५ एक महिने झाले मीमराठीवर येऊन. फेसबुकवर मीमराठीचे पानं आहे तेथून लिंक मिळाली होती.
मला देखील आपल्या सगळ्यांची ओळख करुन घ्यायला आवडेल.

मीमच्या कट्टाला येण्याची इच्छा आहे.
कधी करणार असाल तर नक्की कळवा.

नमस्कार ~

काही वेळानेच हा धागा पाहिला. त्याला अन्य कोणतेही कारण नसून मीच गेले चारएक दिवस नेटच्या सलगीत नव्हतो. काही कौटुंबिक कार्यक्रमामुळे घर अगदी भरले होते आणि केजी ते इयत्ता ५ अबकड मध्ये शिकणारी वानरसेना घरात धुडगूस घालीत असल्याने पीसी बंद करून बसणे शहाणपणाचे होते.

असो. आत्ता काहीसे शांत वातावरण झाले आहे.
मराठी संस्थळांची ओळख "पक्का पुणेकर" होण्याच्या मार्गावर असणार्‍या आमच्या चिरंजिवांनी करून दिली आणि मलाही साहित्यावर चर्चा माध्यमातून विचाराचे आदानप्रदान करणे पसंत पडल्याने प्रथम पुस्तकविश्वचा सदस्य झालो होतो. तिथून पुस्तक सोडून अन्य विषयावरही मत/मते प्रकटन करणे (सागरमुळे) आवडू लागल्याने मग त्याच्याच शिफारशीने मीमराठीवर आलो आणि रमलो.

मी कोल्हापूरचा आणि कोल्हापूरातच राहणार हे नक्की. मीमराठीमुळे अनेक [कधीही प्रत्यक्ष पाहण्याची शक्यता नसलेल्या मित्रांशी समोरासमोर ओळख झाली आणि मग बंधही चांगलेच जमले आहेत. फक्त मी शाकाहारी आणि अपेयपान न करणारा असल्याने या नवीन मित्रांना माझी कंपनी रुचत नसल्याचे जाणवते. पण कान्ट हेल्प !]

मार्च २०१२ ला व्हीआरएस अंमलात येणार असल्याने त्यानंतर मग मी अधिक उत्साहाने येथील विविध विषयांवर भाग घेऊन तुम्हा सर्वाच्या "अमृतांजन" मासिक खर्चात वाढ होईल हे पाहीन.

अशोक पाटील