पालक गोश्त

साहित्यः

२ मध्यम कांदे बारीक चिरलेले.
२ जुड्या पालक बारीक चिरुन घेतलेला.

५०० ग्रॅम. मटण.
२ चमचे दही + १ मोठा चमचा आल-लसुण वाटण + १ लहान चमचा हळद + १ चमचा मसाला एकत्र करुन मटणाला लावुन १-२ तास मुरत ठेवाव.

खडा मसाला : २-३ वेलच्या , ३-४ लवंगा, १०-१२ काळीमीरी, १ इंच दालचीनी, तमाल पत्र.
१ चमचा आल-लसुण वाटण.
१ मोठा चमचा लाल तिखट.
१ मोठा चमचा गरम मसाला.
१ मोठा चमचा टॉमेटो पेस्ट.
२ मोठे चमचे लिंबाचा रस.
तेल, मीठ चवी नुसार.

कृती :

एका कढईत थोडं तेल तापवुन त्यात खडा मसाला परतुन घ्यावा. मग त्यात कांदा टाकुन तो पारदर्शक होई पर्यंत परतुन घ्यावा. त्यात आल-लसणाच वाटण टाकुन कांदा गळे पर्यंत शिजवुन घ्यावा.

नंतर त्यात मुरवलेल मटण टाकुन मोठ्या आचेवर ५-१० मिनिटं झाकण न ठेवता परताव.

मग त्यात लाल तिखट आणि गरम मसाला टाकुन मटण चांगल एकत्र कराव. ५ मिनीटांनी त्यात टॉमेटोची पेस्ट टाकावी.

त्यात चिरलेला पालक टाकुन, एकत्र करुन घ्याव. लिंबाचा रस टाकावा. १/२ कप पाणी टाकुन वरुन झाकण ठेवुन मध्यम आचेवर शिजत ठेवाव. अधुन मधुन ढवळावं. पाणी आटल्यास थोडं थोडं गरम पाणी टाकत जाव.

मटण शिजले की चवी नुसार मीठ टाकुन, झाकण काढुन मध्यम आचेवर पाणी आटे पर्यंत शिजवावे.

नान, तुंदुरी रोटी, भाकरी, वा वाफाळत्या भाता सोबत हाणावे.

गणपा ह्यांनी सोम, 22/08/2011 - 12:33 ह्यावेळी प्रकाशित केले. 16 प्रतिसाद या लेखनाला आले आहेत, तुम्ही देखील आपला अभिप्राय द्या.

पाककृती

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

लेखकाचे इतर लेखन

{मस्तच.........}

परिजा यांनी सोम, 22/08/2011 - 13:02 ह्यावेळी प्रकाशित केले.

पण आम्हाला श्रावण संपेपर्यंत धीर धरावा लागणार.....

परिजा
******

बशर नवाज साहेबांचा हा शेर-
"अब कोई दिल टूटा है यकीनन फिर यहां,
दूर तक रस्तेपे शबनम है बहोत..!)

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

{गणपा भाऊजी }

सौ. राजे यांनी सोम, 22/08/2011 - 14:33 ह्यावेळी प्रकाशित केले.

गणपा भाऊजी खायला कधी घालताय ते सांगा

********************************************************
"When you are just about to finish your journey, LIFE changes your destination."

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

{मस्तच}

प्रशांत कवळे यांनी सोम, 22/08/2011 - 16:52 ह्यावेळी प्रकाशित केले.

मस्तच!

लवकर बनवून पहावी लागेल...

गणपाभौ एक पुस्तक लिहा

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

{कधी येतो आहेस बे ?}

राजे यांनी सोम, 22/08/2011 - 18:24 ह्यावेळी प्रकाशित केले.

कधी येतो आहेस बे ?

Hope is a good thing...

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

{भूक लागली}

प्रभो यांनी सोम, 22/08/2011 - 21:02 ह्यावेळी प्रकाशित केले.

भूक लागली

प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.

{नो श्रावण पाळणे}

अशोक पाटील यांनी सोम, 22/08/2011 - 21:11 ह्यावेळी प्रकाशित केले.

खेकड्याच्या वेळेलाच गणपा याना सांगितले होते की आम्ही श्रावणब्रिवण वगैरे काही पाळत नाही, त्यामुळे या पालक गोश्तचे नेत्रसुख घेता घेताच या एक दोन दिवसात आमच्या नामदेवरावाच्या मदतीने ही डिश 'ट्राय' करणार घरी.

[मागील खेपेस - खेकडे - असेच कौतुक केले आणि दुसर्‍याच दिवशी इथे काहीतरी तांत्रिक गडबड होऊन खेकड्यावरील रंगीतदार प्रतिसादच खेकड्याच्या बिळातच गायब झाले.... तसे आत्ता होऊ नये ही प्रार्थना !]