वर्तमान

काल मी तेथे फुलांच्या देशात होतो
फुलपाखरांना पहाताना तुला शोधीत होतो

गवसले तेथे एक गुढ काय मला
ते पाहून पुन्हा पुन्हा बेभान होत होतो.

सांगता न येते ते मला काय होते
रंध्रातुनी माझ्या आनंदे वहात होते.

प्रत्येक फुलात तूच तूच होतीस
ऐसा गोड आभास अनुभवत होतो

मी गात गाणे देवाला आळवीत होतो
र्‍हदयातील भावना तुला कळवीत होतो

सखये रोज तुला मी तेथे ऐसाच भेटत असतो
आठवणींच्या पुस्तकातले वर्तमान जगत असतो