ब्लॉगला मराठी प्रतिशब्द काय असावा?

असो.

मी तर मत संवादीनीला दिले आहे. राहीला प्रश्न अनन्यतेचा(exclusivity)? ती प्रत्येक गोष्टीत कुठे आहे? साधा सामान शब्द घ्या जसा तो वापरू तसे त्याचे संदर्भ बदलतात.
उदा.१ मी त्याला त्याच्या सामानाबरोबर पाहीले. मी बाजारात सामान आणायला गेलो होतो. माझ्या मित्राला नवीन घरात सामान लावायला मदत करत होतो.

संवादीनी हा शब्द माझ्या मते तरी संगीत वेड्यांनाच ठाऊक आहे. बाकी लोक त्याला सरळ सरळ पेटी किंवा हार्मोनियम म्हणतात. त्यामुळे चांगल्या शब्दाच्या आड अनन्यता यावी हे मला तरी ठीक वाटत नाही. उलट जालनिशी हा शब्द केवळ रकाने भरण्यासाठी लिहील्यासारखा वाटतो. हवं तर त्याला जाल-संवादिनी म्हणू शकतो.
राहीला प्रश्न मराठी प्रतिशब्दांचा, तर ते शोधण्यासाठी कष्ट का घेऊ नयेत? अगदीच शाईपेनाला 'झरणी' लिहू नये, पण शोधायचा प्रयत्नही करु नये? हे नाही पटत बॉ. एखाद्या इंग्रजी शब्दाला चांगला मराठी शब्द शोधणे हे देखील प्रतिभावंताचेच काम आहे. जसे 'वार्ताहर', 'महापौर', 'विधिमंडळ' हे शब्द जवळचे वाटतात 'Reporter', 'Mayor', 'Legislative Assembly' वगैरे शब्दांपेक्षा. भाषेत नवीन शब्द यायला हवेत भाषा प्रवाही व्हायला पाहीजे वगैरे सगळे मान्य पण म्हणून थोडा आळस सोडून एखादा तरी चांगला प्रतिशब्द निर्माण करुन तो रुजवायला नको का?
जसे आम्ही स्क्रॅपबुकात चर्चा केली असे म्हणण्यापेक्षा आमच्यात खरडा-खरडी झाली हे आपण किती सहज म्हणू शकतो. शेवटी सुलभता किंवा 'Ease of Use' च्या कुबड्या किती दिवस बाळगत राहणार आहोत.