शेवयांचा शिरा

मला दुग्धजन्य पदार्थ काही विशेष आवडत नाहीत. आणि Murphy's law च्या कृपेनं आमच्या ह्यांना तेच सर्व पदार्थ पक्वान्न (विशेष) खूप आवडतात. तर अश्या पंचायीतीचा हा एक सुवर्ण मध्य. शेवयांचा शिरा. मी स्वता dietician असल्याने असा शिरा फारसा काही माझ्या डायेट समीकरणात बसत नाही, पण तरी!

सामग्री:

२ वाट्या अगर १०० ग्राम भाजलेल्या बारीक शेवया
१ मोठा चमचा साजूक तूप
अर्धी वाटी साखर
१ १/२ कप दूध
१/२ वाटी काजू (काजू कमी जास्त नाहीसे करण्या ची सूट आहे)
५ वेळच्या बारीक केलेल्या किंवा १ चमचा वेलची पूड

कृती:

- एका कढईत तूप गरम करून त्यात शेवया चांगल्या गुलाबी होई पर्यंत परता. मग त्यात कोंबट दूध घालून चांगल हलवा आणि झाकण ठेवून एक वाफ काढा (साधारण २ मिनिटे).
- आता ह्यात साखर, वेलची आणि काजू घालून नीट कालवा आणि परत झाकून मंद आचेवर शिजवा. आता त्या शिऱ्याला साखर विरघळे पर्यंत परता आणि गरम गरम सर्व्ह करा.