ग्यालरीतील (टेरेसमधील) बाग

अभिजित, मी केली आहे अशी बाग.
कुंभारवाड्यात थाळीच्या आकाराच्या पसरट थोड्या खोल अशा कुंड्या मिळतात. त्यात मेथी,कोथिंबीर मस्त येते. सध्या कुंडीत तुम्ही टोमॅटोचे वेल लावू शकता. मिर्चीची रोपे आणि वांगी पण ! मंडईत प्लास्टिकचे १०० किलो माती मावेल असे टब- टाक्या असतात. त्यात चाफा, जास्वंद अशी थोडी मोठी फुलझाडे, कृष्णकमळ, मोगरा, जाई अशा वेली खूप छान वाढतात.

( माझ्या घरातल्या त्या बागेचे आता काय झाले असेल बरे? भारतात गेले की पहिले काम बाग नीट करणे ! )

आभारी आहे माया.
तुमच्या उत्तरामुळे हुरुप आणि कल्पना दोन्ही मिळाल्या. पुनःश्च आभार. काही मदत पडली तर ह्याच धाग्यावर प्रश्न टाकीन, वेळ मिळाला तर जरूर उत्तर द्या.

पुष्करिणी मदत कर ग....

खतं कुठले वापरणार ?

हे बघा, उपयोगी पडते का?

लोकसत्ता

तसेच २-३ वर्षांपूर्वी सकाळ मधे ओल्या कचऱ्यातून घरी बाग किंवा शेती कशी करायची या वर बरीच महीती आली होती, थोडेसे गुगलले तर सकाळ वर सहज मिळेल, बघा उपयोगी पडते का?

तुषार

माया, तुषार, पुष्करिणी ह्यांचे माहीती दिल्याबद्दल आभार.
चुचुतैंचे स्पेश्शल आभार कारण त्यांनी पुष्करिणीताईंना बोलावले.
इतरांचेही आभार अजून माहीती मिळालीच, त्याचबरोबर धागा हसता-खेळता झाला.

सर्वात महत्त्वाचे म्हंजे सूचनांची अंम्मलबजावणी करून प्रगतीपुस्तक (जमल्यास फटूंसहीत) सादर करेन.

मी आधी आयती रोपे लावली, मग एक रोप विकणार्याकडे आउट्सोर्स केलं पण मला हवी तशी टवटवीत बाग नाही दिसत. मी परत शुन्यापासून सुरू करू इच्चीतो....मार्गदर्शन करावे. ह्या वेळी मी स्वतः हात घालणार आहे.

@ मितान, तुम्ही म्हणताय ते खतांचे दुकान सोमनाथच्या जवळच आहे का? मला तिथे एक अगदी छोटे दुकान बघीतल्यासारखे वाटते.

अभिजीत, सोमनाथच्या जवळचे दुकान आता बदलले.
मी नव्याने लावलेल्या झाडांसाठी नर्सरीतूनच गांडूळखत आणले. हल्ली मोरया गोसावी मंदिराच्या आवारात पण 'निर्माल्यापासून तयार केलेले' खत मिळते. वापरून बघायला हरकत नाही.

तुम्ही ­मागच्या वर्षी लावली नं रोपं ? काय प्रगती ?

माझी बाग यंदा नव्याने लावली. २ गुलाब. जाई,सायली,मोगरा,कृष्णकमळ, सोनटक्का, गोकर्ण, रातराणी आणि नेहमीची कढीपत्ता, कोरफड वगेरे रोपं छान आली आहेत.

प्रगती माझ्या मनासारखी नाही. पण बायको आणि सौ ऐकत नाहीत, त्यामुळे मी पुराव्यानेच शाबीत करून दाखवावे म्हणतो. अगदी कुंडीखरेदीपासून मीच सगळ करणार आहे. कुंडी, माती, खत आणि मग बियाणे कुठून आणावे आदी प्रश्न मनात गर्दी करून आहेत.

मला पण गॅलरीमध्ये बाग करायची इच्छा आहे... पण पांढऱ्या फरशीवर (स्पार्तेक्स का काय म्हणतात त्याला) मातीच्या कुंड्यांचे डाग आवडत नाहीत... आणि प्लास्टिक कुंडी मध्ये झाडे व्यवस्थित वाढत नाहीत असे एका परिचितांनी सांगितले...
जाणकारांनी मार्गदर्शन करावे...

मितान,
खूप छान उपाय सांगितला आहे... १०० चौरस फुटाच्या टेरेसचा नक्की चांगला उपयोग करता येईल...
आता गृह खात्याकडून परवानगी काढून आधी फॅब्रिकेशनचे बघून घेतो...
फोटो अवश्य टाका लवकरात लवकर...