मध्यमवर्गाचे मासीक खर्चाचे बजेट

मी तर अजुन ब्यॅचलर आहे ब्वॉ. फक्त प्यार्टीचे बजेट बघतो.
असो,
माझ्या मते प्रत्येक कुटुंबाच्या गरजा आणी चैनी वेगवेगळ्या आहेत. मध्यमवर्गीयाची कोणतीही संज्ञा उपलब्ध नाही, सतत बदलत असते.
तरी अ‍ॅनॅलेसीस करिता २-३ महिने रोजचा खर्च लिहुन ठेवुन त्याचे वर्गीकरण करावे. मग त्यात वार्षिक खर्च अधिक करुन एक ढोबळ आकडा काढावा.
मग आपला पगार, इन्फ्लेशन, भविष्यातील गरजा याचे मोजमाप करावे. एक्सेल शीट फार उपयोगाची प्रणाली आहे.

अजुन एक सुत्रः
उत्पन्न - खर्च = बचत हे सुत्र न ठेवता
उत्पन्न - बचत = खर्च हे सुत्र जमवता येते का पहावे. (दिसायला सोपे असले तरी फारच ईफेक्टीव आहे.)

चांगला धागा आहे.
सध्याच्या आटे दाल का भाव कळेल आणि घरातल बेजेट कस असाव नसाव याबद्दल टिप्स मिळतील या उद्देशाने या धाग्यावर नजर ठेवुन आहे.

मी ब्रॉडबँड कनेक्शन लिहले नाही आहे. पण महीना २०० रु मधे मिळत असेल ना बी एस एन एल?

तस पाहिल तर लग्न झालेल्या लोकांना व्यवस्थित मत मांडता येईल.

लोकहो हा तुमचा खर्च नका समजु हा एक अंदाज आहे
पण अंदाज बांधायला प्रत्येकाच्या खर्चाचा अनुभव उपयोगी पडेल अस वाटतं

प्रत्येक गोष्टीची अंदाजे किंमत लिहीत आहे

किराणा व भाजीपाला = १०००/-
दुध = ९००/-
गॅस सिलिंडर= ३३५/-
वीज बील = ६५०/-
पाणीपट्टी / महानगरपालीका टॅक्स = ३५०/- + ????
एक धुणीभांडीवाली/ला महीना पगार = ५००/-
प्रवास खर्च, रिक्षा , पेट्रोल, दुचाकी सर्व्हिसींग (नवरा + बायको) = १४००/-
वर्तमानपत्र= ११०/-
केबल टिव्ही = ५००/-
मोबाईलचे बील (माणशी एक फोन असल्याने लँड लाईन खर्च चैन समजुन धरला नाही.) = ४५०/-
इन्शुरन्सचा हप्ता / सरासरी वैद्यकिय बील = माहीत नाहि
मुलाची शाळा, रिक्षा/बस, छंद वर्ग/ पॉकेट मनी = २२००/-
इस्त्री, लॉन्ड्री = ५००/-
महिन्यात किमान एखादा सिनेमा /नाटक /कार्यक्रम (३ तिकीटे) + हाटेलात खाणे पिणे = २०००/-
ग्रंथालय फी = नाही
सोसायटीची वर्गणी = २००/-
कपडेलत्ते खर्च = ६००/-
एक वार्षीक सहल = १५००/-
दुनियादारी = १२००/-
व्हेरीयस ऑव्हरहेडस = ४००/-
जनरल हाउस होल्ड खर्च /सिझनल म्हणजे ट्युबलाईट बदलणे, चप्पलबूट खरेदी, केस कापणे, पावसाळा सुरु झाला तर रेनकोट, छत्री = ५००/-
जनरल अदर = २% वरच्या सगळ्यावर

एकूण = १५६००/-

माझ्या अंदाजे एवढा खर्च येतो.

गॅसचा दर वाढलाय
३५६ रुपये.

अंदाजात सर्वच गोष्टी अंदाजे घेतल्या त्यामूळे जरा घोटाळा झाला वाटत.

आम्ही जेव्हा धान्य खरेदी केली तेव्हाचे भाव सांगतो. (एप्रिल)
१. तांदूळ ३०-३५ रु/कि
२. डाळ (तूर) ७२ रु/कि
३. गहू २२ रु/कि

सध्याचे काही भाज्यांचे भाव
१. कोथिंबीर ८ रु गड्डी
२. पालक ८ रु गड्डी
३. मेथी १५ रु गड्डी (हल्ली शेपू, लालमाठ, पाल्यासकट मूळा दिसला नाही बरेच दिवसात )
४. मिरची १० रु/पाव

सहज आज माझे जिवन सार्थकी लागले..
असाच काहिसा धागा मला हवा होता
धन्यवाद...

सध्याचा भारतातला आटे दाल का भाव माहीत नाही.

हे बजेट नाही. (आकडे पुर्ण पणे काल्पनीक आहेत)
पण मी माझा रोजचा खर्च खालील प्रमाणे एका एक्सेल शीट मध्ये मांडतो.
त्यामुळे किती खर्च होतो त्यावर नियंत्रण रहाते.

किराणा व भाजीपाला = १००० भाजीपाल्यासाठी अन् ३००० किराणा
गॅस सिलिंडर= ३५६ रु
वीज बील = ७०० रु
पाणीपट्टी / महानगरपालीका टॅक्स = ३५० रु पाणीपट्टी टॅक्स माहीत नाही.
एक धुणीभांडीवाली/ला महीना पगार = ५०० ते ६००
प्रवास खर्च, रिक्षा , पेट्रोल, दुचाकी सर्व्हिसींग (नवरा + बायको) = १३०० रु
वर्तमानपत्र= १०० रु
केबल टिव्ही = ४०० रु
मोबाईलचे बील (माणशी एक फोन असल्याने लँड लाईन खर्च चैन समजुन धरला नाही.) = ५०० ते ६०० रु
इन्शुरन्सचा हप्ता / सरासरी वैद्यकिय बील = हप्ता ज्याची जितक्या पैशाची पॉलिसी असेल तितका १००० रु अन् वैद्यकीय बिल ८०० रु
मुलाची शाळा, रिक्षा/बस, छंद वर्ग/ पॉकेट मनी = २५०० रु
इस्त्री, लॉन्ड्री = ४०० रु
महिन्यात किमान एखादा सिनेमा /नाटक /कार्यक्रम (३ तिकीटे) + हाटेलात खाणे पिणे = १५०० रु
ग्रंथालय फी = नाही
सोसायटीची वर्गणी = २००/-
कपडेलत्ते खर्च = ८०० रु
एक वार्षीक सहल = २५०० ते ३००० रु
दुनियादारी = १००० रु
व्हेरीयस ऑव्हरहेडस = ४००/-
जनरल हाउस होल्ड खर्च /सिझनल म्हणजे ट्युबलाईट बदलणे, चप्पलबूट खरेदी, केस कापणे, पावसाळा सुरु झाला तर रेनकोट, छत्री = ७०० रु

एकूण = २०७०० रू
हा फक्त अंदाजे खर्च आहे. अंदाजे.

ब्युटीसलुनचा खर्च नाहि का धरला..

नवर्याने अ‍ॅपलचा फोन घेतला...सगळे बजेट कोलमडले

घरचं माहीत नाही पण मुंबईत नोकरीनिमित्त रहायचो तेंव्हाचा हा माझा ताळेबंद. (फक्त माझ्या एकट्याचा..एकूण चार जण रहायचो आम्ही)

घरभाडं - २५०० रू. (प्रत्येकाचे स्वतःचे घर असण्याची शक्यता कमी आहे..हा एक पॉईंट राहिला तुमच्या गणितात सहजराव.... )
लाईट बील - ३०० रू.
किराणा व भाजीपाला (चहा, नाश्ता, क्यांटीन सगट) : ३५०० रू
पेट्रोल - ५०० रू
गॅस (पाईप्ड) - ५० रू
वर्तमानपत्र + केबल - १०० रू
मोबाईल - ३५० रू
इंशूरंस हफ्ता - ४५०० रू
इस्त्री - ३०० रू
व्हेरीयस ऑव्हरहेडस +जनरल अदर +हाटेलात खाणे पिणे +सहल + कपडे - २००० रू
-----------------------------
टोटल - १४१००

चांगला धागा!
बरीच नवीन माहिती मिळते आहे...

१०. मराठमोळा हा ब्याचलर मावळा आहे.
९. ब्रॉडबॅन्ड कनेक्शन कितीला मिळतं याची सहजला काहीही *ट कल्पना नाहिये.
८. लग्न झालेल्या लोकांना स्वतःचं मत नीट मांडता येतं असा स्नेहाराणीचा समज आहे.
७. सहजला दर रविवारी पॅटिस खायला आवडतील (जर बायकोने खाऊ दिले तर!!!)
६. फक्त चुचुच एकटी प्रामाणिकपणे आपण ब्यूटी पारलरवर खर्च करते असे सांगते.
५. नवर्‍याला काहीही झालं तरी अ‍ॅपल फोन घेऊ देऊ नका.
४. गणपा खानसाम्याला भारतातला डाल-आटेका भाव माहिती नाही. (तेंव्हा गृहिणींनो, सावधान!! बजेट तुम्हाला जमवायचंय!!!)
३. प्रभो कधी काळी मुंबईत नोकरीही करायचा, म्हणे.
२. त्याचे तिथे अजून तीन रूममेटस होते (पुरूष की स्त्रिया याबदल माहिती उपलब्ध नाही!!)
अणि,
१. स्वतः काहीही माहिती न देता नुसते अभिप्राय देण्यात निर्मयीची बरोबरी कोणीही करू शकत नाही!!!!
(शेवटी पुतणी कोणाची!!!)

सहज मध्यम्वर्गिय नसला तरी आम्हा मध्यम्वर्गियांचा विचार करतो यातच त्याच्या मनाचा मोठेपणा दिसुन येतो. मला काय गरज म्हणुन त्याने माझ्या धाग्याचा विचार न करता काहीही असंब्ध रिप्लाय दिलाय असे मला कधिच आढळुन आले नाही. नाना तुझ्याकडुन हेच अपेक्शित आहे.

धागा वर आला... चला सान्गा पैसे कसे वाचवायचे ते..