दारु

आलोच जरा पावशेर मारुन
आणी लिहितो भरभरुन

दारु मला सोडत नाही
मी दारुला सोडत नाही

नाते जपेल आयुष्यभर
संपेल फक्त सरणावर

मित्रहो पोचवाल मला
चार खांद्यावरुन प्रवासाला
दोन बाटल्या भरलेल्या
असु द्या माझ्या सोबतीला

पुनमवासीयांना खूप आवडेल हे लिखाण

मी बुद्धाला मारुन डोळा
भरतो माझा प्याला रे
जो प्याला तो गेला
जो ना प्याला तो ही गेला रे
अर्थ म्हणतो ' दारू दारू ! ! '
शब्द म्हणतो ' शॅम्पेन शॅम्पेन !! '

सरकार, वैज्ञानिक सगळेच म्हणतात "पाण्याचा अपव्यय टाळा. शक्य तितके कमी पाणी वापरा!" म्हणून त्यांच्या या सल्ल्याचा मान राखून सध्या आम्ही तीन त्रिकाळ बीअरच पीतो!

चीयर्स माडी!!

श्रावण मात्र दारु पितो
नॉन-व्हेज मात्र टाळतो....!

श्रामो, काय हो हे. तुमचे शिक्रेट ओपन झाले की हो.

आमच्या जिव्हाळ्याचा विषय !!

कधी काळी ढकलपत्रातुन एक चारोळी आली होती. आमच्या दु:खाचे वर्णन त्यात होते.

दारुडे खाली पडतात तेव्हा,
आवाज होत नाही|
ह्याचा अर्थ असा नाही कि,
त्याची हाडे मोडत नाहीत||

(पडल्यामुळे हात मोडलेला) सुक्या

चालता चालता जीवनात खूप प्रश्न छळतात
पिताच मात्र दोन पेग प्रश्न दूर पळतात

चिकनचिली घेता चकणा,सारं मळभ दूर होतं
धुंदतेचं ते सुख निरभ्रतेतून झरू लागतं

म्हणती मित्र घे अजून एकाने काय होते
जीभ जड झाली तरी थोडी ग्लासात उरते

म्हणतो त्याला शेवटचीच पुन्हा हात नाही लावणार
आग्रहाने कोणी पाजेपर्यंत निर्धार नक्की टीकवणार

अशी आमची कहाणी कायम आम्ही प्यालेले
आणि वादळे आमची जिरवून उरले फक्त रिते पेले

" घेऊन ग्लास हाती "
" टेबलावर तोंड वाजविशी "
" गुर्‍हाळ चर्चेची तासी "
" होय !! आम्ही पुनमवासी !!"

" तु घे रॉयल स्टॅग "
" मला हवी फ्रेश बियर "
" सोबतीला प्लेन चीजची बशी "
" होय !! आम्ही पुनमवासी !!"

" त्याला कोणी म्हणे प्रसन्न "
" त्याला कोणी म्हणे प्रसाद "
" नावे देण्याची सरसासरशी "
" होय !! आम्ही पुनमवासी !! "

" दुपारच प्लानिंग "
" आठवडाभराचा ताण "
" होई हलका पहिल्या घोटाशी "
" होय !! आम्ही पुनमवासी !! "

" दोस्त येतील .दोस्त जातील "
" कट्टे होतील, तंटे होतील "
" झगडा करू आणी मिटवु टेबलापाशी "
" होय !! आम्ही पुनमवासी !! "

रमतारमांना समर्पित ..............

मस्त आहे कविता...

पीत नसलो तरी कविता वाचून प्याविशी वाटते.