ग्रीस

प्रिय मित्रांनो,
आपल्या संस्कृती एवढीच प्राचीन आणि विकसित अशी ग्रीक संस्कृती. त्या भूमीचे दर्शन करण्याची खूप इच्छा होती. अगदी अल्प काळासाठी तिथे जाता आले. अवघ्या ४-५ दिवसांच्या वास्तव्यात ग्रीस जेवढा शक्य होता तेवढा अनुभवला. जे दिसले त्यावर विचार मात्र खूप केला. ते अनुभव आणि मनातल्या विचारांच्या लाटा तुमच्यासोबत वाटून घेत आहे.
केवळ सनावळ्या आणि गणिती आकडे यात मी रमत नाही. माणसं; मग ती प्राचीन असोत की आधुनिक, त्यांच्या जीवनशैलीची ओळख करून घ्यायला जास्त आवडते. प्रत्येक समाजाचा गुणविशेष त्यांच्या भौतिक जीवनशैलीत प्रतिबिंबित झालेला असतो. जुने संदर्भ नव्याशी जोडताना हे जेव्हा जाणवते तो क्षण मौजेचा! असेच काही क्षण मला अथेन्स बघताना सापडले. ते तुमच्या समोर ठेवत आहे.
माझा हा आनंद तुमच्या सोबत वाटता येतोय याचे श्रेय अर्थात ' मी मराठी' ला ! मनःपूर्वक आभार.

माया ज्ञानेश