किंमत

माझ्या नावाच्या आधी तुझे नाव लिहुन
तासन् तास पाहुन
वा-यावर उधळलेल्या कपट्यांच्या लगद्याची
पत्रिका घेवुन आलीस
अन जोडीने ये
म्हणुन बजावुन गेलीस.
*
सहज पाहिली पत्रिका
जशी असायला हवी तशीच होती
फक्त नव्हते
माझे नाव
अन
बदलली होती सगळीच नाती
*
आठवले
ते वाट पाहणे
तासनतास
अन
सेकंदातच
निघुन जाणे चारपाच तास
*
पहीला एकत्र पाहीलेला सिनेमा
नाव नाही आठवत की कथा
पण आजही
त्या खुर्च्या पाहुन
जीव येतो कालाबुली
*
आठवते तुला ?
गाडीवर पहिल्यांदा मागे बसलीस
खेटुन बैस...
गावातले क्रेडीट घालवु नकोस म्हणालो
अन
तु अशी चिपकुन बसलीस की
जायचे ठिकाण कोणते
हेच विसरुन गेलो
*
केव्हातरी भेटीगाठी कमी झाल्या
तुला समजले अन मला उमजले
मी ही काही बोललो नाही
तु ही काही बोलली नाही
शब्दांनी व्यक्त झालेली नाती शब्दांविनाच संपुन गेली.
*
विरली सगळी स्वप्ने
तुझ्याबरोबर साकारायची ठरवलेली
काय अन किती ठरवले होते
असे करु अन तसे करु.
सगळेच संपले.
*
आज तशी काही ओढ नाही
मागे वळुन पहावेसे वाटत नाही
*
वाटलीच कधी
तर एकच खंत येते उरी
भाड्याच्या जागेतुन
मालकीच्या फ्लॅटमधे येण्याची किंमत....
जरा जास्तच पडली.